ಪ್ರಜಾಸ್ತ್ರ ಸುದ್ದಿ
ಚನ್ನಪಟ್ಟಣ(Channapatanna): ವಿಧಾನಸಭೆ ಉಪ ಚುನಾವಣೆಯ(BY Election) ಪ್ರಚಾರ ಭರ್ಜರಿಯಾಗಿ ನಡೆದಿದೆ. ಕಾಂಗ್ರೆಸ್ ಅಭ್ಯರ್ಥಿ ಸಿ.ಪಿ ಯೋಗೇಶ್ವರ್ ಸ್ವಗ್ರಾಮವಾದ ಚಕ್ಕೆರೆಯಲ್ಲಿ ಎನ್ ಡಿಎ(NDA) ನಾಯಕರು ಭಾನುವಾರ ಪ್ರಚಾರ ನಡೆಸಿದರು. ಜೆಡಿಎಸ್-ಬಿಜೆಪಿ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಪರವಾಗಿ ಕೇಂದ್ರ ಸಚಿವ, ತಂದೆ ಹೆಚ್.ಡಿ ಕುಮಾರಸ್ವಾಮಿ, ವಿಪಕ್ಷ ನಾಯಕ ಆರ್.ಅಶೋಕ್, ಮಾಜಿ ಡಿಸಿಎಂ ಅಶ್ವತ್ಥನಾರಾಯಣ, ಪರಿಷತ್ ಸದಸ್ಯ ಸಿ.ಟಿ ರವಿ ಸೇರಿದಂತೆ ಇತರರು ಮತಯಾಚನೆ ನಡೆಸಿದರು.
ತೆರದ ವಾಹನದಲ್ಲಿ ಸಾಗಿದ ನಾಯಕರು ಗ್ರಾಮಸ್ಥರಲ್ಲಿ ಮನವಿ ಮಾಡಿಕೊಂಡರು. ದಾರಿಯುದ್ಧಕ್ಕೂ ಮಾತನಾಡಿದ ನಾಯಕರು, ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದರು. ಪಕ್ಷಾಂತರಿ ಸಿ.ಪಿ ಯೋಗೇಶ್ವರ್ ವಿರುದ್ಧ ಸಹ ಪರೋಕ್ಷವಾಗಿ ಹರಿಹಾಯ್ದರು. ನೂರಾರು ಸಂಖ್ಯೆಯಲ್ಲಿ ಸೇರಿದ್ದ ಕಾರ್ಯಕರ್ತರು ಜೈಕಾರ ಹಾಕಿದರು.
