ಬುದ್ದಿಮಾಂದ್ಯ ಮಹಿಳೆ ಮೇಲೆ ಅತ್ಯಾಚಾರ

ಪ್ರಜಾಸ್ತ್ರ ಸುದ್ದಿ

ರಾಯಚೂರು(Raichur): ಕಿರಾತಕನೊಬ್ಬ ಬುದ್ದಿಮಾಂದ್ಯ ಮಹಿಳೆಯ ಮೇಲೆ ಅತ್ಯಾಚಾರವೆಸಗಿರುವ(Rape) ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಜಿಲ್ಲೆಯ ಮಾನ್ವಿ ತಾಲೂಕಿನಲ್ಲಿ ಇಂತಹದೊಂದು ಕೃತ್ಯ ನಡೆದಿದೆ. ಅತ್ಯಾಚಾರವೆಸಗಿದ ಆರೋಪಿ ತಿಮ್ಮನಗೌಡ ಎಂಬಾತನನ್ನು ಮಾನ್ವಿ ಠಾಣೆ ಪೊಲೀಸರು ಬಂಧಿಸಿದ್ದು, ವಿಚಾರಣೆ ನಡೆಸಿದ್ದಾರೆ. ಈತ ಮಹಿಳೆಯ ಸಂಬಂಧಿಯೇ ಆಗಿದ್ದಾನೆ.

ಮಹಿಳೆ ಹೊಟ್ಟೆನೋವೆಂದು ನರಳಾಡುತ್ತಿದ್ದಳು. ಈ ವೇಳೆ ಪೋಷಕರು ವಿಚಾರಿಸಿದ್ದಾರೆ. ಆಗ ಆಕೆ ತನಗೆ ಏನಾಗಿದೆ ಎಂದು ತಿಳಿಸಿದ್ದಾಳೆ. ಆಗ ಕುಟುಂಬಸ್ಥರಿಗೆ ಶಾಕ್ ಆಗಿದೆ. ಸಂಬಂಧಿಯಿಂದಲೇ ಇಂತಹದೊಂದು ನೀಚ ಕೃತ್ಯ ನಡೆದಿದ್ದು ತಿಳಿದು ಕಂಗಾಲಾಗಿದ್ದಾರೆ. ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದಾರೆ. ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.