ಪ್ರಜಾಸ್ತ್ರ ಸುದ್ದಿ
ಸ್ಯಾಂಡಲ್ ವುಡ್ ಆಕ್ಷನ್ ಪ್ರಿನ್ಸ್ ಧ್ರುವ್ ಸರ್ಜಾಗೆ ಇದೀಗ 37ರ ಸಂಭ್ರಮ. ಹುಟ್ಟು ಹಬ್ಬದ ಸಂಭ್ರಮದಲ್ಲಿರುವ ನಟನಿಗೆ ಕೆಡಿ ಚಿತ್ರತಂಡ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಶುಭ ಕೋರಿದೆ. ಕೆವಿಎನ್ ಪ್ರೊಡಕ್ಷನ್ ತನ್ನ ಎಕ್ಸ್ ಖಾತೆಯಲ್ಲಿ ಇದನ್ನು ಹಂಚಿಕೊಂಡಿದೆ.
ಅವರಿಬ್ಬರದು ರಕ್ತ ಸಂಬಂಧ ಆದ್ರೆ ರಕ್ತ ಹರಿಯುತ್ತಿರುವುದು ಮೈಯಲ್ಲಿ ಅಲ್ಲ ಅನ್ನೋ ಡೈಲಾಗ್ ನೊಂದಿಗೆ ಪೋಸ್ಟರ್ ಬಿಡುಗಡೆಯಾಗಿದೆ. ಭರ್ಜರಿ ಮ್ಯೂಸಿಕ್ ಇದ್ದು, ಖಡಕ್ ಲುಕ್ ಧ್ರುವ್ ಸರ್ಜಾ ಅಭಿಮಾನಿಗಳಿಗೆ ಇಷ್ಟವಾಗುತ್ತಿದೆ. ಜೋಗಿ ಪ್ರೇಮ್ ನಿರ್ದೇಶನದಲ್ಲಿ ಕೆಡಿ ಸಿನಿಮಾ ಮೂಡಿ ಬರುತ್ತಿದೆ. ಕ್ರೇಜಿಸ್ಟಾರ್ ರವಿಚಂದ್ರನ್, ರಮೇಶ್ ಅರವಿಂದ್, ಸಂಜಯ್ ದತ್, ನಟಿ ಶಿಲ್ಪಾ ಶೆಟ್ಟಿ, ನೂರ್ ಫತೇಹಿ ಸೇರಿ ಸ್ಟಾರ್ ನಟ, ನಟಿಯರು ದಂಡೆ ಇದೆ. ಹೀಗಾಗಿ ಕೆಡಿ ಸಿನಿಮಾ ಸಾಕಷ್ಟು ಕುತೂಹಲ ಮೂಡಿಸಿದೆ.
