ಪ್ರಜಾಸ್ತ್ರ ಸುದ್ದಿ
ಸೈಂಟ್ ಜಾರ್ಜ್ ಓವಲ್(Saint George Oval): ಇಲ್ಲಿನ ಕ್ರೀಡಾಂಗಣದಲ್ಲಿ ಭಾರತ ಹಾಗೂ ಸೌಥ್ ಆಫ್ರಿಕಾ ನಡುವಿನ 2ನೇ ಟಿ-20 ಪಂದ್ಯದಲ್ಲಿ ಸೂರ್ಯಕುಮಾರ್ ಯಾದವ್ ತಂಡ ಗೆಲುವಿನ ಸನೀಹ ಬಂದು ಸೋಲು ಅನುಭವಿಸಿತು. ಸೌಥ್ ಆಫ್ರಿಕಾ ತಂಡದ ನಾಯಕ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಮೊದಲ ಪಂದ್ಯದಲ್ಲಿ ಅಬ್ಬರಿಸಿದ ಟೀಂ ಇಂಡಿಯಾ ಆಟಗಾರರು ಇಲ್ಲಿ ವಿಫಲರಾದರು. ಹೀಗಾಗಿ ಯಾರಿಂದಲೂ ದೊಡ್ಡ ಆಟ ಬರಲಿಲ್ಲ. ತಿಲಕ್ ವರ್ಮಾ 20, ಅಕ್ಷರ್ ಪಟೇಲ್ 27, ಹಾರ್ಡಿಕ್ ಪಾಂಡ್ಯ 39 ರನ್ ಬಿಟ್ಟರೆ ಉಳಿದವರು ಹೀಗೆ ಬಂದು ಹಾಗೇ ಹೋದರು.
ಅಂತಿಮವಾಗಿ 6 ವಿಕೆಟ್ ನಷ್ಟಕ್ಕೆ 124 ರನ್ ಗಳಿಸಿತು. ಸೌಥ್ ಆಫ್ರಿಕಾ ಪರ ಜಾನ್ಸನ್, ಕಾಟೇಜ್, ಸಿಮ್ಲೀನ್, ಮಾರ್ಕಂ, ಪೀಟರ್ ತಲಾ 1 ವಿಕೆಟ್ ಪಡೆದರು. ಅಲ್ಪ ಮೊತ್ತದ ರನ್ ಚೇಸ್ ಮಾಡಿದ ಸೌಥ್ ಆಫ್ರಿಕಾ 19 ಓವರ್ ಗಳಲ್ಲಿ 7 ವಿಕೆಟ್ 128 ರನ್ ಗಳಿಸಿ ಗೆಲುವು ಸಾಧಿಸಿತು. ಟ್ರಿಸ್ಟನ್ ಸ್ಟುಬ್ಸ್ 47, ರೇಝಾ ಹೆಂಡ್ರಿಕ್ಸ್ 24 ರನ್ ಗಳಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.
