ಪ್ರಜಾಸ್ತ್ರ ಸುದ್ದಿ
ನಟ ಕಿಚ್ಚ ಸುದೀಪ್ ನಟನೆಯ ಮಾರ್ಕ್ ಚಿತ್ರದ ಸೈಕೋ ಸೈತಾನ್ ಲಿರಿಕಲ್ ಹಾಡು ಸೋಮವಾರ ಸಂಜೆ 6.15ಕ್ಕೆ ಬಿಡುಗಡೆ ಮಾಡಲಾಗಿತ್ತು. ಹಾಡಿನ ಸಾಲಿನಲ್ಲಿ ಜಲಗಾರ ಪದ ಬಳಸಲಾಗಿದೆಯಂತೆ. ಇದು ನಟ ದರ್ಶನಗೆ ಟಾಂಗ್ ಎಂದು ಕಿರಿಕ್ ಶುರು ಮಾಡಲಾಗಿದೆ. ಜಲಗಾರ ಪದಕ್ಕೆ ಬದಲಿಗೆ ಭಾಗ್ಯದ ಬಳೆಗಾರ ಎಂದು ಪೋಸ್ಟ್ ಮಾಡಲಾಗಿದೆ. ಇದು ಸಾಕಷ್ಟು ಟ್ರೋಲ್ ಆಗಿದ್ದು, ಈ ಕಾರಣಕ್ಕೆ ಹಾಡು ಡಿಲೀಟ್ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ.
ಇಷ್ಟೆಲ್ಲದರ ನಡುವೆ ಮಾರ್ಕ್ ಚಿತ್ರ ತಂಡ ಹಾಡು ಡಿಲೀಟ್ ಆಗಿರುವ ಬಗ್ಗೆ ಮಾಹಿತಿ ಹಂಚಿಕೊಂಡಿದೆ. ಸಿಂಗಲ್ ಸೈಕೋ ಸೈತಾನ್ ಹಾಡಿನ ಬಗ್ಗೆ ನೀವು ತೋರಿಸಿದ ಪ್ರೀತಿಗೆ ಧನ್ಯವಾದಗಳು. ತಾಂತ್ರಿಕ ದೋಷದಿಂದಾಗಿ ಹಾಡನ್ನು ಮರುಪ್ರಸಾರ ಮಾಡಲು ನಿರ್ಧರಿಸಲಾಗಿದೆ. ಅನಾನುಕೂಲತೆಗಾಗಿ ವಿಷಾದಿಸುತ್ತೇವೆ ಎಂದಿದೆ. ವಿಜಯ್ ಕಾರ್ತಿಕೇಯನ್ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಅಜನೀಶ್ ಲೋಕನಾಥ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ.




