ಪ್ರಜಾಸ್ತ್ರ ಸುದ್ದಿ
ಉಡುಪಿ(Udupi): ಸೋಮವಾರ ರಾತ್ರಿ ಐವರು ನಕ್ಸಲರ ತಂಡ ಸೀತಂಬೈಲು ಹತ್ತಿರ ಬಂದಿದೆ. ಈ ವೇಳೆ ಎಎನ್ಎಫ್(ANF) ಪಡೆ ಹಾಗೂ ನಕ್ಸಲರ ನಡುವೆ ಗುಂಡಿನ ಚಕಮಕಿ ನಡೆದಿದೆ. ಘಟನೆಯಲ್ಲಿ ನಕ್ಸಲ್(Naxal) ನಾಯಕ ವಿಕ್ರಂಗೌಡ ಹತ್ಯೆಯಾಗಿದೆ. ಹೆಬ್ರಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಬರುವ ಕಬ್ಬಿನಾಲೆ ಅರಣ್ಯ ಪ್ರದೇಶದಲ್ಲಿ ಕಳೆದ ರಾತ್ರಿ ಈ ಘಟನೆ ನಡೆದಿದೆ. ವಿಕ್ರಂಗೌಡ ಹತ್ಯೆಯಾಗಿದ್ದು, ಉಳಿದವರು ಎಸ್ಕೇಪ್ ಆಗಿದ್ದಾರೆ.
ಕೇರಳದಲ್ಲಿ ನಕ್ಸಲ್ ವಿರೋಧಿ ಕಾರ್ಯಾಚರಣೆ ಜೋರಾದ ಹಿನ್ನಲೆಯಲ್ಲಿ ಕರ್ನಾಟಕದ ಪಶ್ಚಿಮಘಟ್ಟದ ಕಡೆ ಹೊರಳಿದ್ದಾರೆ. ಆಹಾರದ ವಸ್ತುಗಳು ತರುವ ಸಂಬಂಧ ಬಂದಾಗ ಎನ್ ಕೌಂಟರ್(Encounter)ನಡೆದಿದೆ. ಕಬ್ಬಿನಾಲೆ ಬಸ್ ನಿಲ್ದಾಣದಿಂದ 7 ಕಿಲೋ ಮೀಟರ್ ದೂರಲ್ಲಿರುವ ಈ ಪ್ರದೇಶ ದಟ್ಟ ಕಾಡಾಗಿದೆ. ಹತ್ಯೆಯಾದ ವಿಕ್ರಂಗೌಡ ಹೆಬ್ರಿ ಮೂಲದವನಾಗಿದ್ದು, ಕಾರ್ಕಳ, ಶೃಂಗೇರಿ ಪ್ರದೇಶದಲ್ಲಿ ಸಕ್ರಿಯನಾಗಿದ್ದ ಎಂದು ತಿಳಿದು ಬಂದಿದೆ.
