ರೈತ ಸಂಘದ ಸಂಚಾಲಕರಾಗಿ ಶರಣಪ್ಪ ಭಾಸಗಿ ನೇಮಕ

ಪ್ರಜಾಸ್ತ್ರ ಸುದ್ದಿ

ಸಿಂದಗಿ(Sindagi): ಕರ್ನಾಟಕ ರಾಜ್ಯ ರೈತ ಸಂಘದ ಸಿಂದಗಿ ತಾಲೂಕು ದೇವರನಾವದಗಿ ಗ್ರಾಮದ ಸಂಚಾಲಕರಾಗಿ ಶರಣಪ್ಪ ರಾವುತಪ್ಪ ಭಾಸಗಿ ಅವರನ್ನು ನೇಮಕ ಮಾಡಲಾಗಿದೆ. ಈ ಹಿನ್ನಲೆಯಲ್ಲಿ ಉತ್ತರ ಕರ್ನಾಟಕ ವಲಯ ಅಧ್ಯಕ್ಷರಾದ ಬಸನಗೌಡ ಧರ್ಮಗೊಂಡ ಅವರನ್ನು ಸನ್ಮಾನಿಸುವ ಮೂಲಕ ಅಭಿನಂದನೆ ಸಲ್ಲಿಸಿದರು. ಈ ವೇಳೆ ಮಾತನಾಡಿದ ಅವರು, ರೈತಪರ ವಿಚಾರಗಳಿಗಾಗಿ ಸದಾ ಸಿದ್ಧರಿರಬೇಕು. ಅವರಿಗೆ ನ್ಯಾಯಕೊಡಿಸುವ ಕೆಲಸದ ಜೊತೆಗೆ ಸರ್ಕಾರದ ಯೋಜನೆಗಳ ಸೌಲಭ್ಯ ಪಡೆಯುವ ಕುರಿತು ಜಾಗೃತಿ ಮೂಡಿಸಬೇಕು ಎಂದರು.

ಗ್ರಾಮದ ವ್ಯಾಪ್ತಿಯಲ್ಲಿನ ರೈತರ ಸಮಸ್ಯೆ ಬಗೆಹರಿಸುವ ನಿಟ್ಟಿನಲ್ಲಿ ನಾನು ಪ್ರಮಾಣಿಕವಾಗಿ ಕೆಲಸ ಮಾಡುತ್ತೇನೆ. ನನಗೆ ನೀಡಿರುವ ಜವಾಬ್ದಾರಿಯನ್ನು ಸರಿಯಾಗಿ ನಿಭಾಯಿಸುವ ಮೂಲಕ ನಮ್ಮ ರೈತರ ಪರವಾಗಿ ಯಾವಾಗಲೂ ಇರುತ್ತೇನೆ ಎಂದು ಶರಣಪ್ಪ ಭಾಸಗಿ ಹೇಳಿದರು. ಈ ವೇಳೆ ಮಲಕಣ್ಣ ಮಳಜಿ, ಮಲಕಣ್ಣ ಹಳದಕೇರಿ ಉಪಸ್ಥಿತರಿದ್ದರು.