ಪ್ರಜಾಸ್ತ್ರ ಸುದ್ದಿ
ಸಿಂದಗಿ(Sindagi): ನಮ್ಮದು ಜಾತ್ಯಾತೀತ ಮಠವಾಗಿದೆ. ಎಲ್ಲರೂ ಭಕ್ತರಿದ್ದಾರೆ. ಬಿಂದಗಿ ಪವಾಡ ನೋಡಬೇಕು. ದೇವರು ಇಲ್ಲಂತ ಹೇಳುವವರು ಬುದ್ಧಿ ಜೀವಿಗಳಲ್ಲ ಲದ್ದಿ ಜೀವಿಗಳು ಎಂದು ಸದ್ಗುರು ಭೀಮಾಶಂಕರ ಮಠದ ದತ್ತಪ್ಪಯ್ಯ ಸ್ವಾಮೀಜಿ ಹೇಳಿದರು. ಸದ್ಗುರು ಭೀಮಾಶಂಕರ ಮಹಾಸ್ವಾಮಿಗಳ 394ನೇ ಆರಾಧನಾ ಮಹೋತ್ಸವದ ನಿಮಿತ್ಯ ಶುಕ್ರವಾರ ಮಠದಲ್ಲಿ ನಡೆಸಿದ ಮಾಧ್ಯಮಗೋಷ್ಠಿಯಲ್ಲಿ ಈ ರೀತಿ ಹೇಳಿದರು.
ಶ್ರೀನಿವಾಸ ಜೋಶಿ ಮಾತನಾಡಿ, ಭೀಮಾಶಂಕರ ಮಠಕ್ಕೆ 400ಕ್ಕೂ ಹೆಚ್ಚು ವರ್ಷಗಳ ಇತಿಹಾಸವಿದೆ. ಆರಾಧನಾ ಮಹೋತ್ಸವದ ಹಿನ್ನಲೆಯಲ್ಲಿ ಅಕ್ಟೋಬರ್ 17ರಿಂದ 20ರ ತನಕ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ. ಶನಿವಾರ ಸಂಜೆ 7.30ರಿಂದ ಬಿಂದಗಿ ಮಹಾತ್ಮೆ ನಡೆಯಲಿದೆ ಅಂತಾ ತಿಳಿಸಿದರು. ಈ ವೇಳೆ ಶ್ರೀಧರ ಕುಲ್ಕರ್ಣಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
