ಪ್ರಜಾಸ್ತ್ರ ಸುದ್ದಿ
ಮಂಡ್ಯ(Mandaya): ರೈಲಿಗೆ ಸಿಲುಕಿ ಸುಮಾರ 2 ಲಕ್ಷ ರೂಪಾಯಿ ಮೌಲ್ಯದ 17 ಕುರಿಗಳು(Sheep) ಮೃತಪಟ್ಟಿರುವ ಘಟನೆ ಹೊಸಬೂದನರು ಗ್ರಾಮದ ಹತ್ತಿರದ ರೈಲು ಹಳಿಯ ಮೇಲೆ ನಡೆದಿದೆ. ಗ್ರಾಮದ ಜಯಮ್ಮ ಎಂಬುವರಿಗೆ ಸೇರಿದ ಕುರಿಗಳು ಮೃತಪಟ್ಟಿವೆ. ನಾಯಿಗಳು ಅಟ್ಟಾಡಿಸಿಕೊಂಡ ಬಂದ ಪರಿಣಾಮ ಕುರಿಗಳು ಚದುರಿ ಓಡಿವೆ. ಆಗ ರೈಲು ಹಳಿಯ ಮೇಲೆ ಓಡಿದ್ದರ ಪರಿಣಾಮ ಈ ಅನಾಹುತ ನಡೆದಿದೆ.
ಗುರುವಾರ ಸಂಜೆ ಜಯಮ್ಮ ಕುರಿಗಳನ್ನು ಮೇಯಿಸಿಕೊಂಡು ವಾಪಸ್ ಆಗುತ್ತಿದ್ದರು. ಈ ವೇಳೆ ನಾಯಿಗಳು ಅಟ್ಟಾಡಿಸಿಕೊಂಡು ಬಂದಿವೆ. ಆಗ ರೈಲಿಗೆ(Train) ಸಿಲುಕಿ ಮೃತಪಟ್ಟಿವೆ. ರೈಲ್ವೆ ಪೊಲೀಸ್ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಶಾಸಕ ಪಿ.ರವಿಕುಮಾರ್ 17 ಕುರಿಗಳನ್ನು ಕಳೆದುಕೊಂಡು ಜಯಮ್ಮಗೆ ವೈಯಕ್ತಿಕ ಸಹಾಯ ಮಾಡುವುದಾಗಿ ಹೇಳಿದ್ದಾರೆ ಎಂದು ಹೇಳಲಾಗುತ್ತಿದೆ.
