ಪ್ರಜಾಸ್ತ್ರ ಸುದ್ದಿ
ಅಥಣಿ(Athani): ಅಗ್ನಿವೀರ ಸೇವೆಗೆ ಆಯ್ಕೆಯಾದ ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ಮದಭಾವಿ ಗ್ರಾಮದ ಸರಕಾರಿ ಮರಾಠಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಜಕಾರಟ್ಟಿ ಗ್ರಾಮದ ಸುಜಲ ಪ್ರಕಾಶ ಖುಟ್ಟೆಯನ್ನು ಸನ್ಮಾನಿಸಲಾಯಿತು. ಪ್ರಾಥಮಿಕ ಹಂತದಲ್ಲಿ ವಿದ್ಯೆ ಕಲಿಸಿದ ಗುರುಗಳಿಗೆ ಸಿಹಿ ನೀಡಲು ಬಂದಿದ್ದ ವಿದ್ಯಾರ್ಥಿಗೆ ಗೌರವಿಸಲಾಯಿತು.
ಶಾಲೆಯ ಮುಖ್ಯಗುರುಗಳಾದ ಜಿ.ಆರ್ ನಾಯಕ ಮಾತನಾಡಿ, ಇವತ್ತಿನ ವಿದ್ಯಾರ್ಥಿಗಳಿಗೆ ಮಾದರಿ ಆಗಿದ್ದು ಸಂತೋಷ. ಎಲ್ಲ ವಿದ್ಯಾರ್ಥಿಗಳು ಚೆನ್ನಾಗಿ ಅಭ್ಯಾಸ ಮಾಡಿ ಸರಕಾರಿ ಹುದ್ದೆಯನ್ನು ಪಡೆದು ನೀವು ಕಲಿತ ಶಾಲೆ, ಜನ್ಮ ನೀಡಿದ ತಂದೆ ತಾಯಿ, ಕಲಿಸಿದ ಗುರುಗಳ ಹೆಸರು ಉಳಿಸುವ ಕಾರ್ಯ ಮಾಡಬೇಕು ಎಂದರು. ಈ ಸಂದರ್ಭದಲ್ಲಿ ಎಸ್.ಬಿ ಡವಳೆ, ವಿ.ಎಸ್ ಮಗದುಮ್ಮ, ವೈ.ಆರ್ ವಾಘಮೋಡೆ, ವಿ.ಎಸ್ ನಾಯಿಕ, ಎಸ್.ಎಸ್ ಪಾಟೀಲ ಉಪಸ್ಥಿತರಿದ್ದರು.
