ಪ್ರಜಾಸ್ತ್ರ ಸುದ್ದಿ
ಕ್ವಾಲಾಲಂಪುರ: ಅಂಡರ್ 19 ಮಹಿಳಾ ಟಿ-20 ವಿಶ್ವಕಪ್ ಕ್ರಿಕೆಟ್ ನಲ್ಲಿ ಭಾರತ ತಂಡದ ತ್ರಿಷಾ ಗೊಂಗಡಿ ಭರ್ಜರಿ ಶತಕ ಸಿಡಿಸಿದ್ದಾಳೆ. ಸ್ಕಾಟ್ಲೆಂಟ್ ವಿರುದ್ಧ ಓಪನರ್ ಆಟಗಾರ್ತಿ ಶತಕ ಗಳಿಸಿದ್ದು, ಐಸಿಸಿ ಮಹಿಳಾ ಅಂಡರ್ 19 ಕ್ರಿಕೆಟ್ ವಿಶ್ವಕಪ್ ನಲ್ಲಿ ಶತಕ ಬಾರಿಸಿದ ಮೊದಲ ಆಟಗಾರ್ತಿಯಾಗಿ ಇತಿಹಾಸ ನಿರ್ಮಿಸಿದಳು. ಅಂತಿಮವಾಗಿ 110 ರನ್ ಗಳೊಂದಿಗೆ ಅಜೇಯರಾಗಿ ಉಳಿದು ದಾಖಲೆ ಬರೆದಳು.
ಆರಂಭಿಕ ಜೋಟಿ ತ್ರಿಷಾ ಹಾಗೂ ಜಿ.ಕಮಲಿನಿ ಜೋಡಿ 13.3 ಓವರ್ ಗಳಲ್ಲಿ 147 ರನ್ ಗಳ ಕಾಣಿಕೆ ನೀಡಿತು. ತ್ರಿಷಾ 13 ಫೋರ್, 4 ಸಿಕ್ಸ್ ಬಾರಿಸಿದರೆ, ಕಮಲಿನಿ 9 ಫೋರ್ ಗಳೊಂದಿಗೆ 51 ರನ್ ಗಳಿಸಿದಳು. ಅಂತಿಮವಾಗಿ ಭಾರತ 20 ಓವರ್ ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ ಭರ್ಜರಿ 208 ರನ್ ಗಳಿಸಿತು. ಸನಿಕಾ ಚಲ್ಕೆ ಅಜೇಯ 29 ರನ್ ಗಳಿಸಿದಳು. ಸ್ಕಾಟ್ಲೆಂಡ್ ಪರ ಮೆಸಿಯಾ ಮಸ್ರಿಯಾ 1 ವಿಕೆಟ್ ಪಡೆದರು. ಈ ಬಿಗ್ ಸ್ಕೋರ್ ಚೇಸ್ ಮಾಡುತ್ತಿರುವ ಸ್ಕಾಟ್ಲೆಂಡ್ 10.4 ಓವರ್ ಗಳಲ್ಲಿ 45 ರನ್ ಗಳಿಗೆ 7 ವಿಕೆಟ್ ಕಳೆದುಕೊಂಡು ಸೋಲಿನ ಸನಿಹ ಬಂದಿದೆ.
