ಪ್ರಜಾಸ್ತ್ರ ಸುದ್ದಿ
ಇತ್ತೀಚೆಗೆ ಸ್ಟಾರ್ ನಟರ ಚಿತ್ರಗಳು ಸರಣಿಯಾಗಿ ಬರುವ ಮೂಲಕ ಪ್ರೇಕ್ಷಕರ ತಾಳ್ಮೆಯ ಜೊತೆಗೆ ಸಿನಿಮಾ ಕ್ರೇಜ್ ಆಗುವಂತೆ ಮಾಡುತ್ತಿದ್ದಾರೆ. ಬಾಲಿವುಡ್ ನಿರ್ದೇಶಕ ನಿತೀಶ್ ತಿವಾರಿ ನಿರ್ದೇಶನದ ರಾಮಾಯಣ ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆಮಾಡಲಾಗಿದೆ. ಆದರೆ, ತುಂಬಾ ಕ್ರಿಯೇಟಿವ್ ಎನ್ನುವ ರೀತಿಯಲ್ಲಿ ಅಲ್ಲ. ಬಾಣದ ಗುರುತಿನ ಪೋಸ್ಟರ್ ನಲ್ಲಿ ಪಾರ್ಟ್ 1 ಸಿನಿಮಾ ದೀಪಾವಳಿ 2026 ಹಾಗೂ ಪಾರ್ಟ್-2 ದೀಪಾವಳಿ 2027ರಲ್ಲಿ ಎಂದು ಬರೆಯಲಾಗಿದೆ. ಅಂದರೆ ಪ್ರೇಕ್ಷಕರು ಇದಕ್ಕಾಗಿ 3 ವರ್ಷ ಕಾಯಬೇಕು.
ರಾಮನಾಗಿ ನಟ ರಣಬೀರ್ ಕಪೂರ್, ಸೀತೆಯಾಗಿ ಸಾಯಿ ಪಲ್ಲವಿ, ರಾವಣನಾಗಿ ನಟ ಯಶ್ ಕಾಣಿಸಿಕೊಳ್ಳುತ್ತಿದ್ದಾರೆ. ನಮಿತ್ ಮಲ್ಹೋತ್ರ ಅವರ ಫ್ರೈಮ್ ಫೋಕಸ್ ಸ್ಟುಡಿಯೋ ಹಾಗೂ ನಟ ಯಶ್ ಅವರ ಮಾಸ್ಟರ್ ಮೈಂಡ್ ಕ್ರಿಯೇಷನ್ ಅಡಿಯಲ್ಲಿ ಸಿನಿಮಾ ನಿರ್ಮಾಣವಾಗುತ್ತಿದೆ. ಏನೇ ಹೇಳಿ ಬಹುಕೋಟಿ ವೆಚ್ಚ, ಪ್ಯಾನ್ ಇಂಡಿಯಾ, ಪ್ಯಾನ್ ಇಂಟರ್ ನ್ಯಾಷನಲ್ ಎಂದುಕೊಂಡು 3 ವರ್ಷಕ್ಕೊಂದು, 4 ವರ್ಷಕ್ಕೊಂದು ಸಿನಿಮಾ ಬರುವುದು ನೋಡಿದರೆ ಏನು ಹೇಳಬೇಕು ತಿಳಿಯದಾಗಿದೆ ಎಂದು ಸಿನಿ ಪ್ರಿಯರು ಹೇಳುತ್ತಿದ್ದಾರೆ.
