ಉಡುಪಿ(Udupi): ಪತಿಯೇ ಪತ್ನಿಯನ್ನು ಹತ್ಯೆ(Murder) ಮಾಡಿದ ಘಟನೆ ಬ್ರಹ್ಮಾವರ ತಾಲೂಕಿನ ಸಾಲಿಗ್ರಾಮ ಕಾರ್ಕಡ ಕಡದಿ ಹೆದ್ದಾರಿಯಲ್ಲಿ ನಡೆದಿದೆ. ಶುಕ್ರವಾರ ಮುಂಜಾನೆ ಈ ಘಟನೆ ನಡೆದಿದೆ. ಜಯಶ್ರೀ(28) ಕೊಲೆಯಾದ ದುರ್ದೈವಿ. ಕಿರಣ್ ಉಪಾಧ್ಯ(30) ಕೊಲೆ ಮಾಡಿದ ಆರೋಪಿಯಾಗಿದ್ದಾನೆ. ಕಾರ್ಕಡ ಅಂಗನವಾಡಿ ಹತ್ತಿರ ಬಾಡಿಗೆ ಮನೆಯಲ್ಲಿ ಇವರು ವಾಸವಾಗಿದ್ದರು.
ಪತಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳಿಸಲಾಗಿದೆ. ಜಯಶ್ರೀ ಬೀದರ ದೊಣಗಪುರ ಮೂಲದವರಾಗಿದ್ದಾರೆ. ಮನೆಯ ಟೆರೆಸ್ ನಿಂದ ಜಯಶ್ರೀ ಬಿದ್ದು ಗಾಯಗೊಂಡಿದ್ದಳು. ಆಸ್ಪತ್ರೆಗೆ ದಾಖಲಿಸಿದ್ದೆ ಅನ್ನೋದು ಕಿರಣ್ ಮಾತುಗಳಂತೆ. ಅಜ್ಜರಕಾಡು ಆಸ್ಪತ್ರೆಯಲ್ಲಿ ಮೃತದೇಹವಿದ್ದು, ಕುಟುಂಬಸ್ಥರು ಬರುವ ಸಲುವಾಗಿ ಪೊಲೀಸರು ಕಾಯುತ್ತಿದ್ದಾರೆ. ಮರಣೋತ್ತರ ಪರೀಕ್ಷೆಯ ವರದಿ ಬಂದ ಮೇಲೆ ಸತ್ಯಾಸತ್ಯತೆ ತಿಳಿಯಲಿದೆ.
