ಪ್ಯಾರಿಸ್(Paris): ಇಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್-2024 ಟೂರ್ನಿಯಲ್ಲಿ ಭಾರತೀಯ ಯುವ ಶೂಟರ್ ಮನು ಭಾಕರ್(manu bhaker) ಇಂದು ನಡೆದ ಸ್ಪರ್ಧೆಯಲ್ಲಿ ಸ್ವಲ್ಪದರಲ್ಲಿ ಪದಕ ವಂಚಿತರಾಗಿದ್ದಾರೆ. ಈ ಮೂಲಕ ಹ್ಯಾಟ್ರಿಕ್ ಕನಸು ಭಗ್ನವಾಗಿದೆ. 25 ಮೀಟರ್ ಪಿಸ್ತೂಲ್ ವಿಭಾಗದಲ್ಲಿ 4ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಇದರೊಂದಿಗೆ ಅವರ ಆಟಕ್ಕೆ ತೆರೆ ಬಿದ್ದಿದೆ.
ಕಂಚಿನ ಪದಕ ಗೆದ್ದ ಹೆಂಗೇರಿಯಾದ ಮೇಜರ್ ವೆರೋನಿಕಾ 31 ಪಾಯಿಂಟ್ ಗಳಿಸಿದ್ದರು. ಮನು ಭಾಕರ್ 28 ಅಂಕ ಪಡೆದಿದ್ದು ಕೇವಲ 3 ಅಂಕಗಳಿಂದ ಪದಕ ಮಿಸ್ ಆಗಿದೆ. 33ನೇ ಒಲಿಂಪಿಕ್ಸ್ ಪ್ಯಾರಿಸ್(paris olympics) ಆತಿಥ್ಯ ವಹಿಸಿಕೊಂಡಿದೆ.
