ಲಾರಿ-ಕಾರು ಅಪಘಾತ: ದಂಪತಿ ಸಾವು, ಮಕ್ಕಳಿಗೆ ಗಾಯ

ಪ್ರಜಾಸ್ತ್ರ ಸುದ್ದಿ

ಗದಗ(Gadaga): ಲಾರಿ ಹಾಗೂ ಕಾರು ನಡುವೆ ಭೀಕರ ಅಪಘಾತ ಸಂಭವಿಸಿ ದಂಪತಿ ಮೃತಪಟ್ಟು, ಮಕ್ಕಳು ಗಾಯಗೊಂಡಿರುವ ಘಟನೆ ನರಗುಂದ ತಾಲೂಕಿನ ಬೈರನಹಟ್ಟಿ ಹತ್ತಿರ ನಡೆದಿದೆ. ಬಾಗಲಕೋಟೆ ಮೂಲದ ಸಿದ್ದರಾಮ ಹಾಗೂ ಪತ್ನಿ ಹೇಮಾ ಮೃತ ದುರ್ದೈವಿಗಳು. ಮಕ್ಕಳಾದ ಮಲ್ಲಿಕಾರ್ಜುನ, ಸಹನಾ ಗಾಯಗೊಂಡಿದ್ದಾರೆ.

ಕುಟುಂಬ ಸಮೇತ ಕುಕ್ಕೆಗೆ ಹೋಗಿ ವಾಪಸ್ ಬಾಗಲಕೋಟೆಗೆ ಹೊರಟಿದ್ದ ಸಿದ್ದರಾಮ ಎಂಬುವರ ಕಾರು ಹಾಗೂ ಹುಬ್ಬಳ್ಳಿ ಕಡೆ ಹೊರಟಿದ್ದ ಲಾರಿ ನಡುವೆ ಅಪಘಾತವಾಗಿದೆ. ಮಕ್ಕಳಿಬ್ಬರು ಗಂಭೀರವಾಗಿ ಗಾಯಗೊಂಡಿದ್ದು ನರಗುಂದ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಥಳಕ್ಕೆ ಪೊಲೀಸ್ ನೀಡಿ ಪರಿಶೀಲನೆ ನಡೆಸಿದ್ದಾರೆ.